ಧಾರ್ಮಿಕ ಆಚರಣೆಗಳು | Dharmika Acharanegalu

ಇಂದಿನ ವೇಗದ ಬದುಕಿನಲ್ಲಿ ಅನೇಕ ಧಾರ್ಮಿಕ ಆಚರಣೆಗಳು ಕೇವಲ ಸಂಪ್ರದಾಯಗಳಾಗಿ ಉಳಿದಿದ್ದು, ಅವುಗಳ ಹಿಂದಿರುವ ತಾತ್ವಿಕ, ವೈದಿಕ ಮತ್ತು ಆಧ್ಯಾತ್ಮಿಕ ಮಹತ್ವವು ನಿಧಾನವಾಗಿ ಮರೆಯಾಗುತ್ತಿದೆ. ಪೂಜೆ, ದೀಪಾರಾಧನೆ, ನೈವೇದ್ಯ, ತುಳಸಿ ಪೂಜೆ, ಸಂಕಲ್ಪ, ಪ್ರದಕ್ಷಿಣೆ, ಉಪವಾಸ, ಹಬ್ಬ-ಹರಿದಿನಗಳ ಆಚರಣೆಗಳು ಸೇರಿದಂತೆ ಅನೇಕ ವಿಧಿ-ವಿಧಾನಗಳನ್ನು ನಾವು ಅನುಸರಿಸುತ್ತೇವೆಯಾದರೂ, "ಏಕೆ ಆಚರಿಸಬೇಕು?" ಮತ್ತು "ಸರಿಯಾದ ವಿಧಾನ ಯಾವುದು?" ಎಂಬ ಪ್ರಶ್ನೆಗಳಿಗೆ ಉತ್ತರ ತಿಳಿದಿರುವವರು ವಿರಳ.

"ಧಾರ್ಮಿಕ ಆಚರಣೆಗಳು" ಕೃತಿಯು ಈ ಪ್ರಶ್ನೆಗಳಿಗೆ ಶಾಸ್ತ್ರಸಮ್ಮತ, ಸರಳ ಮತ್ತು ಪ್ರಾಯೋಗಿಕ ಉತ್ತರ ನೀಡುವ ಅಮೂಲ್ಯ ಮಾರ್ಗದರ್ಶಿ. ಅನೇಕ ಧರ್ಮಗ್ರಂಥಗಳು ಹಾಗೂ ಪರಂಪರೆಯ ಆಧಾರದ ಮೇಲೆ ಸಿದ್ಧಗೊಂಡಿರುವ ಈ ಪುಸ್ತಕದಲ್ಲಿ ವೈದಿಕ ಆಚರಣೆಗಳ ಮಹತ್ವ, ನಿತ್ಯ ಮತ್ತು ನೈಮಿತ್ಯಿಕ ಧಾರ್ಮಿಕ ವಿಧಿ-ವಿಧಾನಗಳು, ಅವುಗಳ ಹಿಂದಿರುವ ತತ್ವ, ಅನುಷ್ಠಾನದ ಸರಳ ವಿಧಾನಗಳು ಹಾಗೂ ವರ್ಷಪೂರ್ತಿ ಆಚರಿಸಬೇಕಾದ ಪ್ರಮುಖ ಆಚರಣೆಗಳನ್ನು ಸುಲಭ ಕನ್ನಡದಲ್ಲಿ ವಿವರಿಸಲಾಗಿದೆ.

ಕೇವಲ ಆಚರಣೆಗಳನ್ನು ತಿಳಿಸುವುದಲ್ಲ, ಅವುಗಳ ಮೇಲಿನ ಶ್ರದ್ಧೆ, ಅರಿವು ಮತ್ತು ಆಸಕ್ತಿಯನ್ನು ಬೆಳೆಸುವ ಪ್ರಯತ್ನವೇ ಈ ಕೃತಿಯ ವೈಶಿಷ್ಟ್ಯ. ಮೊದಲ ಬಾರಿಗೆ ಆಚರಣೆಗಳನ್ನು ಸ್ವತಃ ಮಾಡಬಯಸುವವರು, ತಮ್ಮ ಮಕ್ಕಳಿಗೆ ಭಾರತೀಯ ಸಂಸ್ಕೃತಿಯನ್ನು ಪರಿಚಯಿಸಲು ಬಯಸುವ ಕುಟುಂಬಗಳು, ಧಾರ್ಮಿಕ ಜೀವನವನ್ನು ಅರ್ಥಪೂರ್ಣವಾಗಿ ನಡೆಸಲು ಇಚ್ಛಿಸುವವರು ಹಾಗೂ ಪರಂಪರೆಯ ಮೌಲ್ಯವನ್ನು ಮುಂದಿನ ತಲೆಮಾರಿಗೆ ತಲುಪಿಸಲು ಬಯಸುವ ಪ್ರತಿಯೊಬ್ಬರಿಗೂ ಇದು ಅತ್ಯಂತ ಉಪಯುಕ್ತ ಗ್ರಂಥವಾಗಿದೆ. ಮನೆಮನೆಗೂ ಇರಬೇಕಾದ ಧಾರ್ಮಿಕ ಮಾರ್ಗದರ್ಶಿಯಾಗಿ ಈ ಕೃತಿ ನಿಮ್ಮ ಪುಸ್ತಕ ಸಂಗ್ರಹಕ್ಕೆ ಅಮೂಲ್ಯ ಸೇರ್ಪಡೆಯಾಗಲಿದೆ.